Педагогический опыт

Карбышаўскія ўрокі

22.08.2018
Сярэдняя школа № 20 Брэста знаходзіцца ў цэнтральнай частцы горада, на вуліцы імя генерала-лейтэнанта, героя Вялікай Айчыннай вайны Дзмітрыя Міхайлавіча Карбышава. У 1980 – 1990-ыя гады піянерская дружына навучальнай установы насіла імя гэтага легендарнага вайскоўца.
Матэрыялы былі абноўлены і аформлены ў 5 экспазіцыйных стэндаў: “Дзяцінства – горад Омск. Вучоба – горад Санкт-Пецярбург”, “Брэст-Літоўск. Першая сусветная вайна (1914 – 1918 гады)”, “Сям’я. Ваенна-навуковая дзейнасць”, “Вялікая Айчынная вайна (1941 – 1945 гады)” і “Памяці Карбышава”.
Подробнее..

Сцежкі-дарожкі вістыцкіх школьнікаў

22.08.2018
За 18 гадоў настаўнік геаграфіі і гісторыі Вістыцкай сярэдняй школы Брэсцкага раёна Аляксандр Міхайлавіч Піваварчук пераадолеў на веласіпедзе 75 тысяч кіламетраў. Каб уявіць гэтую адлегласць, узгадаем, што акружнасць Зямлі па экватары складае каля 40 тысяч кіламетраў. На працягу 27 гадоў педагагічнай работы Аляксандр Міхайлавіч знаходзіцца ў пастаянным руху, пошуку новых веласіпедных шляхоў і краязнаўчых маршрутаў.
З 2000 года настаўнік з’яўляецца кіраўніком школьнага гуртка “Бацькаўшчына”. Спачатку, як расказаў Аляксандр Міхайлавіч, гурток меў нумізматычны напрамак. Дзеці збіралі і вывучалі манеты розных часоў і дзяржаў. Сёння ў калекцыі педагога налічваецца каля 10 тысяч манет. Нумізматычны матэрыял сістэматызаваны і выкарыстоўваецца на ўроках пры вывучэнні краін свету.
Подробнее..

Чалавек з акрыленай душой

21.08.2018
Ад чаго залежыць поспех школы? Найперш ад паспяховага кіраўніцтва. Любоў Яўгенаўна Казлоўская ўжо 17 гадоў узначальвае калектыў сярэдняй школы № 31 Брэста. Прафесійна-дзелавыя і асабістыя якасці – вось сакрэт яе кіраўніцкіх поспехаў. Дырэктар добра арыентуецца ў педагогіцы і псіхалогіі, творча ўспрымае ўсё новае і адаптуе яго ў калектыве.
Дзякуючы зладжанай рабоце адміністрацыі школы, ва ўстанове створаны калектыў аднадумцаў. Вучні – актыўныя ўдзельнікі і пераможцы навуковых канферэнцый, творчых конкурсаў. У школе выдаюцца газета “Слова” і альманах “Дрэва жыцця”. Навучальная ўстанова з’яўляецца пляцоўкай для правядзення семінараў і майстар-класаў для Брэсцкага абласнога інстытута развіцця адукацыі.
Подробнее..

Інтэрактыўная матэматыка

17.05.2018
Апошнім часам назіраецца тэндэнцыя зніжэння вучэбнай матывацыі, якая з’яўляецца адной з асноўных умоў эфектыўнага засваення матэрыялу. Прычына гэтага тоіцца ў пасіўнай рабоце навучэнцаў. Таму настаўніку даводзіцца вырашаць праблему прыцягнення ўвагі дзяцей і развіцця іх пазнавальных інтарэсаў, каб павысіць вучэбную матывацыю.
На дапамогу прыходзяць інтэрактыўныя метады навучання. Галоўная іх перавага заключаецца ў пастаянным узаемадзеянні педагога і навучэнцаў. Гэта дазваляе ўсім актыўна ўдзельнічаць у адукацыйным працэсе, свабодна выказваць уласныя меркаванні і аналізаваць свае рашэнні, атрымліваць зваротную сувязь не толькі ад выкладчыка, але і ад аднакласнікаў, аблегчыць працэс запамінання новай інфармацыі.
Подробнее..

Маленькія даследчыкі вялікага свету

17.05.2018
Самым лепшым адкрыццём з’яўляецца тое, якое дзіця зрабіла само. Задача дашкольнай установы ў гэтым выпадку заключаецца ў тым, каб знайсці найбольш эфектыўныя сродкі, што садзейнічаюць разумоваму развіццю дзяцей, улічваюць іх узроставыя і індывідуальныя асаблівасці.
Адной з крыніц творчага развіцця дашкольнікаў з’яўляецца даследчая дзейнасць. З самага нараджэння дзіця пазнае навакольны свет, вывучае ўсё як можа і чым можа – вачыма, рукамі, языком, носам. Але з часам у большасці дзяцей цікавасць да вывучэння навакольнага свету і яго даследавання знікае. Чаму так адбываецца? Можа, у гэтым вінаваты мы, дарослыя? Для таго каб дзеці не гублялі інтарэсу да навакольнага свету, педагогі нашай дашкольнай установы падтрымліваюць у выхаванцаў імкненне да розных даследаванняў.
Подробнее..

Рэалізаваць патэнцыял кожнага навучэнца

17.05.2018
Падтрымка, развіццё і сацыялізацыя адораных дзяцей – адна з прыярытэтных задач сістэмы адукацыі, паколькі ў сучасным грамадстве павялічваецца патрэба ў творчых і актыўных людзях, здольных нестандартна мысліць, крэатыўна рашаць пастаўленыя задачы і фармуляваць новыя, перспектыўныя мэты. Кожны таленавіты навучэнец павінен быць заўважаны. Таму работа з адоранымі дзецьмі з’яўляецца важным напрамкам дзейнасці любога настаўніка.
У нашай установе адораныя дзеці знаходзяць падтрымку ў навучанні, сацыялізацыі, асобасным росце. Ужо больш за 20 гадоў ліцэй з’яўляецца цэнтрам работы з высокаматываванымі навучэнцамі горада. Ліцэісты актыўна ўдзельнічаюць у прадметных алімпіядах і навукова-практычных канферэнцыях, маюць высокі бал атэстата, амаль усе паступаюць ва УВА.
Подробнее..

Зрабі жыццё ярчэйшым!

17.05.2018
Школа павінна быць не толькі месцам, дзе вучні атрымліваюць веды і развіваюць інтэлектуальныя здольнасці, але і пляцоўкай для выяўлення творчага патэнцыялу. Вельмі важна разгледзець творчыя задаткі як мага раней. У гэтым заключаецца адна з галоўных задач настаўніка.
Падчас зносін са старшакласнікамі мне заўсёды было цікава зразумець, які крэатыў закладзены ў іх прыродзе і што я, як педагог, магу развіць у вучняў, каб зрабіць іх жыццё ярчэйшым, насычаным і карысным для грамадства. На дапамогу прыходзяць пазакласныя мерапрыемствы на замежнай мове.
Подробнее..