Лепшыя ў спецыяльнай адукацыі Брэстчыны

- Конкурс праводзіўся з мэтай павышэння якасці і даступнасці спецыяльнай адукацыі для дзяцей з АПФР, развіцця творчых ініцыятыў педагогаў па рэалізацыі профільных адукацыйных праграм, выяўлення, абагульнення і распаўсюджвання лепшага педагагічнага і кіраўніцкага вопыту работы ўстаноў спецыяльнай адукацыі, - расказала начальнік вучэбна-метадычнага цэнтра сацыяльна-педагагічнай работы, аховы дзяцінства і спецадукацыі Брэсцкага абласнога ІРА Н.В.Фяцісава. – Сярод асноўных задач конкурсу – стварэнне адаптыўнага адукацыйнага асяроддзя ва ўстановах спецыяльнай адукацыі, развіццё інклюзіўных працэсаў у адукацыі, падтрымка эксперыментальнай і інавацыйнай дзейнасці ў сферы спецыяльнай адукацыі, павышэнне якасці работы па падрыхтоўцы асаблівых вучняў да працоўнай дзейнасці, іх сацыялізацыі і інтэграцыі ў грамадства, распрацоўка і ўкараненне сучасных адукацыйных тэхналогій.

У завочным этапе спаборніцтва прынялі ўдзел 29 устаноў, з якіх былі адабраны 8 лепшых. Конкурсныя мерапрыемствы фіналу ўключалі відэапрэзентацыю дзейнасці ўстаноў спецыяльнай адукацыі і абарону адукацыйных праектаў, падрыхтаваных творчымі групамі педагогаў. Пераможцы вызначаліся ў 4 намінацыях сярод спецыяльных дашкольных устаноў, агульнаадукацыйных школ (школ-інтэрнатаў), дапаможных школ (школ-інтэрнатаў) і ЦКРНіР.

Па выніках конкурсных выпрабаванняў лепшымі аказаліся спецыяльны дзіцячы сад № 17 для дзяцей з парушэннямі зроку Пінска, Пінская спецыяльная школа-інтэрнат, дапаможная школа Брэста і Столінскі дзяржаўны раённы ЦКРНіР.

Сяргей ГРЫШКЕВІЧ.