«Панарама эфектыўнага вопыту ў адукацыі Берасцейшчыны (дзень сістэмы адукацыі г.Баранавічы)”

12 снежня 2019 года ў ДУА «Гімназія № 1 г.Баранавічы” прайшло абласное метадычнае мерапрыемства «Панарама эфектыўнага вопыту ў адукацыі Берасцейшчыны (дзень сістэмы адукацыі г.Баранавічы)”. Падчас мерапрыемства работнікі адукацыі горада прэзентавалі свой багаты педагагічны, кіраўніцкі вопыт для аўдыторыі больш за 200 удзельнікаў – педагогаў, кіраўнікоў адукацыі Брэсцкай вобласці. Была арганізавана праца сямі секцый, у межах якіх праводзіліся творчыя майстэрні, майстар-класы, трэнінгі, актыўныя лекцыі, практыкумы, выставы і інш. – усяго 29 заняткаў і 9 стэндавых прэзентацый, арганізаваныя і праведзеныя 57 найлепшымі педагогамі горада. Урачыстыя цырымоніі адкрыцця і закрыцця мерапрыемства праходзілі з удзелам кіраўніцтва галоўнага ўпраўлення па адукацыі Брэсцкага аблвыканкама на чале з першым намеснікам Жуком А.Ф., які выступіў пры адкрыцці Панарамы; кіраўніцтвам і супрацоўнікамі ДУА “Брэсцкі абласны інстытут развіцця адукацыі”. Віталі ўдзельнікаў мерапрыемства таксама рэктар інстытута Машчук А.В., начальнік упраўлення па адукацыі Баранавіцкага гарвыканкама Шастак Т.І., загадчык вучэбна-метадычнага кабінета Лімошкіна С.П.