Выхоўваюць экалагічную культуру змалку
03.09.2018- Дадатак, адрасаваны вучням, іх бацькам і педагогам, распрацаваны ў адпаведнасці з нацыянальнай вучэбнай праграмай для факультатыўных заняткаў “Я, энергія і навакольнае асяроддзе”, - расказвае настаўніца пачатковых класаў В.М.Гідрэвіч з сярэдняй школы № 9 Пінска. – Матэрыял дадатку шматфункцыянальны і можа быць тыражаваны. Ён дазваляе вырашаць розныя адукацыйныя задачы: актуалізаваць і паглыбляць веды вучняў, паўтараць і замацоўваць пройдзены матэрыял, правяраць ступень яго засваення. Усе матэрыялы дадатку падзелены на 6 раздзелаў, якія ўключаюць гутаркі і зборнік займальных заданняў па экалогіі і энергазберажэнні (гульні, рэбусы, крыптаграмы, дыктоўкі, казкі, вершы, віктарыны), прэзентацыі да факультатыўных заняткаў “Я, энергія і навакольнае асяроддзе” для 2 – 4 класаў, тэсты, экалагічную расфарбоўку з заданнямі “Захаваем клімат – зберажом Зямлю” і экаслоўнік.
Электронны дадатак пашырае ўяўленні вучняў пра глабальныя праблемы энергетыкі і навакольнага асяроддзя, знаёміць дзяцей з правіламі экалагічных паводзін, развівае і замацоўвае навыкі энергазберажэння. Акрамя таго, “Энергаэкспрэс” як адзін з відаў дыдактычнага матэрыялу дазваляе істотна дапоўніць заданні падручнікаў і рабочых сшыткаў, разнастаіць формы навучання, павысіць творчую актыўнасць школьнікаў, правесці ўрокі, факультатыўныя заняткі і пазакласныя мерапрыемствы больш цікава.
- Практыка паказала, што пасля прымянення дадатку ў дзяцей павысілася цікавасць да ўрокаў, палепшыліся веды, уменні і навыкі ў сферы экалогіі і энергазберажэння, павысілася адказнасць да выкарыстання энергарэсурсаў, - гаворыць В.М.Гідрэвіч. – Праект-дадатак “Энергаэкспрэс” быў адзначаны дыпломам І ступені ў абласным этапе Рэспубліканскага конкурсу “Энергамарафон” і атрымаў спецыяльны прыз журы і грашовы сертыфікат у яго заключным этапе.
Падрыхтаваў Сяргей ГРЫШКЕВІЧ.