Архив новостей

- Сучаснае развіццё грамадства патрабуе ад педагогаў пастаяннага ўдасканалення ведаў і ўменняў, накіраваных на павышэнне якасці адукацыі. Без укаранення інавацыйных тэхналогій, выкарыстання найноўшых сродкаў навучання, выяўлення і распаўсюджання перадавога вопыту, росту прафесіяналізму настаўнікаў і кіраўнікоў гэтай мэты дасягнуць немагчыма, - упэўнена намеснік начальніка аддзела адукацыі, спорту і турызму Бярозаўскага райвыканкама А.В.Мінко.

- Сёння даволі складана спрагназаваць дакладна, як будзе ўладкаваны свет праз 10 – 15 гадоў, але можна з упэўненасцю сцвярджаць, што будучыня залежыць ад таго, чаму навучацца ў школе дзеці. Таму дзейнасць нашага педагагічнага калектыву накіравана на захаванне і развіццё пазітыўнага іміджу ўстановы адукацыі ў соцыуме, прычым гэта асабліва важна для сельскай мясцовасці. Складнікамі іміджу з’яўляюцца прафесійная кампетэнтнасць настаўнікаў, іх актыўнасць у праектнай, інавацыйнай і даследчай дзейнасці, камандны стыль работы, партнёрства з зацікаўленымі арганізацыямі, наяўнасць стратэгіі і мэты, - гаворыць дырэктар Здзітаўскай сярэдняй школы Бярозаўскага раёна В.П.Жуковіч.

- Сучасны свет немагчыма ўявіць без грошай, - гаворыць галоўны спецыяліст аддзела адукацыі, спорту і турызму Бярозаўскага райвыканкама Т.А.Рункевіч. – Веды пра грошы з’яўляюцца вельмі важнымі, бо людзі карыстаюцца імі амаль кожны дзень, разлічваючыся за пакупкі і паслугі. Але далёка не ўсе могуць з упэўненасцю сказаць, што ўмеюць добра распараджацца грашыма і ведаюць, куды іх правільна накіраваць і як прымусіць працаваць. Таму сёння ў многіх краінах свету, у тым ліку і ў Беларусі, вялікая ўвага ўдзяляецца пытанням павышэння фінансавай дасведчанасці насельніцтва.

У Брэсцкім абласным ліцэі імя П.М.Машэрава ўпэўнены, што без цеснага ўзаемадзеяння з іншымі ўстановамі адукацыі, у тым ліку замежнымі, немагчыма ісці ў нагу з часам. Супрацоўніцтва дапамагае наладжваць прафесійныя зносіны, павышае якасць адукацыйнага працэсу, скіроўвае педагогаў да абмену вопытам і пастаяннага самаразвіцця.

Важную ролю ў развіцці індывідуальных здольнасцей дзяцей адыгрывае іх узаемадзеянне з педагогам. Эфектыўнасць такога ўзаемадзеяння залежыць ад яго прафесіяналізму, творчага патэнцыялу, крэатыўнасці і педагагічнай тэхнікі, якая ўяўляе сабой сукупнасць прафесійных уменняў, навыкаў і прыёмаў педагагічнага ўздзеяння. Гэтымі важнымі якасцямі валодаюць многія выхавальнікі груп прадоўжанага дня нашага раёна, але многія з іх не ўмеюць дастойна прэзентаваць сваю прафесійную дзейнасць. А гэта адзін з важных складнікаў поспеху сучаснага педагога.