Архив новостей

21 мая 2016 года состоялась областная научно-практическая конференция (конкурс исследовательских работ) младших школьников «С наукой в будущее».

У дваццаты раз горад над Бугам сабраў удзельнікаў абласной алімпіяды сярод школьнікаў і навучэнцаў ПТНУ па пытаннях здаровага ладу жыцця. Арганізавалі спаборніцтва ўпраўленне адукацыі Брэсцкага аблвыканкама і абласны цэнтр гігіены, эпідэміялогіі і грамадскага здароўя.

Шмат гасцей сабралася ў Брэсцкім дзяржаўным тэхнічным універсітэце, дзе адбылося ўрачыстае мерапрыемства з нагоды яго 50-годдзя. Павіншаваць калектыў установы з яе юбілеем прыехалі старшыня Савета Рэспублікі Нацыянальнага сходу Беларусі М.У.Мясніковіч, міністр адукацыі Беларусі М.А.Жураўкоў, старшыня рэспубліканскага грамадскага аб’яднання “Белая Русь” А.М.Радзькоў, прадстаўнікі органаў абласной і гарадской выканаўчай улады.

На базе ўстаноў адукацыі Баранавіч прайшоў двухдзённы абласны семінар начальнікаў аддзелаў адукацыі, спорту і турызму рай(гар)выканкамаў на тэму “Адукацыя рэгіёна як развіццёвая сістэма ў інтарэсах асобы”. Удзельнікі мерапрыемства на чале з начальнікам упраўлення адукацыі Брэсцкага аблвыканкама Ю.М.Прасмыцкім азнаёміліся з эфектыўнымі напрацоўкамі баранавіцкіх педагогаў па павышэнні якасці адукацыі.

Работа з маладымі педагогамі – адзін з прыярытэтных напрамкаў работы Брэсцкай гарадской арганізацыі Беларускага прафсаюза работнікаў адукацыі і навукі. На рахунку арганізацыі шмат цікавых мерапрыемстваў, накіраваных на замацаванне моладзі ў сістэме адукацыі, дапамогу ў прафесійным станаўленні, развіццё творчых здольнасцей.

На чарговым пасяджэнні калегіі ўпраўлення адукацыі Брэсцкага аблвыканкама разглядалася работа ўстаноў адукацыі па прафілактыцы правапарушэнняў і злачынстваў сярод непаўналетніх.

На Брэстчыне вызначылі пераможцаў ХІІ Абласной алімпіяды па асновах прававых ведаў сярод школьнікаў і навучэнцаў ПТНУ. Арганізатарамі спаборніцтва выступілі ўпраўленне адукацыі Брэсцкага аблвыканкама і юрыдычны факультэт БрДУ імя А.С.Пушкіна.

На Івацэвіччыне прайшоў абласны семінар загадчыкаў раённых (гарадскіх) вучэбна-метадычных кабінетаў, прысвечаны арганізацыйна-метадычнаму суправаджэнню рэалізацыі рэгіянальнай мадэлі дапрофільнай падрыхтоўкі і профільнага навучання. Удзельнікі мерапрыемства, арганізаванага Брэсцкім абласным ІРА, азнаёміліся з работай сярэдніх школ №№ 1 і 4 Івацэвіч, Косаўскай сярэдняй школы і Цэнтра дзіцячай творчасці Івацэвіч.

Іх аб’ядноўвае ўзрост і настаўніцкая прафесія. У статусе маладых спецыялістаў яны працуюць другі год. Ці застануцца ў школе пасля адпрацоўкі тэрміну абавязковага размеркавання? Гэта паспрабавалі высветліць падчас педагагічнай гасцёўні “Працяг будзе?”, арганізаванай аддзелам адукацыі, спорту і турызму Брэсцкага гарвыканкама, Брэсцкім гаркамам Беларускага прафсаюза работнікаў адукацыі і навукі і Саветам маладых педагогаў устаноў адукацыі Брэста.