21.11.2018
- Здаўна лепшым падарункам лічыўся той, што быў выраблены сваімі рукамі. Гэта магла быць гліняная падкова, збан для малака, вышыты ручнік, саламяны лапаць, драўляная раздзелачная дошка… Асаблівую цікавасць у дзяцей заўсёды выклікалі народныя цацкі з рознага матэрыялу: свісцёлкі, лялькі-абярэгі, шумавыя музычныя цацкі і інш. Самаробныя цацкі прыцягваюць сучасных хлопчыкаў і дзяўчынак прастатой, душэўнасцю і непаўторнасцю. Гуляючы з імі, дзеці далучаюцца да культуры свайго народа і яго традыцый, развіваюцца ў эмацыянальным плане. На жаль, у дашкольных установах народная цацка выкарыстоўваецца пераважна як упрыгажэнне і ўзор на занятках, а не як гульнявы атрыбут. Таму педагогі нашага дзіцячага сада вырашылі развіваць цікавасць выхаванцаў да народнай цацкі як сімвалу нацыянальнай культуры і актыўна прымяняць яе ў гульнявой дзейнасці, - расказвае намеснік загадчыка па асноўнай дзейнасці ясляў-сада № 19 Кобрына Г.І.Давідзюк.
подробнее...