Архив новостей

На Брэстчыне вызначылі лепшага дырэктара ўстановы прафесійнай адукацыі. Арганізатарамі абласнога конкурсу, у якім удзельнічалі кіраўнікі 31 ПТНУ і ССНУ, выступілі ўпраўленне адукацыі Брэсцкага аблвыканкама і Брэсцкі абласны вучэбна-метадычны цэнтр прафесійнай адукацыі пры падтрымцы галіновых прафсаюзаў.

На базе сярэдняй школы № 20 імя Героя Савецкага Саюза Д.М.Карбышава Брэста адбылося пасяджэнне метадычнага аб’яднання настаўнікаў рускай мовы і літаратуры ўстаноў адукацыі Ленінскага раёна горада. Педагогі 20-й школы дзяліліся з калегамі вопытам работы па рэалізацыі індывідуальна-асобаснага і дзейнаснага падыходаў праз выкарыстанне традыцыйных і інавацыйных форм, метадаў і прыёмаў у вывучэнні рускай мовы і літаратуры.

Адна са стратэгічных задач сучаснай школы – фарміраванне самастойнай моладзі, здольнай у новых сацыяльна-эканамічных умовах хутка і эфектыўна адаптавацца на рынку працы. Гэта патрабуе такой арганізацыі вучэбнага працэсу, пры якім развіваецца не толькі пазнавальная сфера школьнікаў, але і матывацыйная. Педагогі павінны ўмець будаваць кантрольна-ацэначны этап сучаснага ўрока такім чынам, каб ацэньванне вучэбнай дзейнасці дзяцей ажыццяўлялася з пазіцыі суб’ект-суб’ектных адносін удзельнікаў адукацыйнага працэсу.

Выхаванцы Маларыцкай раённай гімназіі не толькі на павышаным узроўні вывучаюць хімію і біялогію, фізіку і матэматыку, англійскую і рускую мову, гісторыю і грамадазнаўства, але і сур’ёзна цікавяцца праграмаваннем, нягледзячы на тое, што такога прадмета ў школьным раскладзе няма.

На базе сярэдняй школы № 10 Пінска адбылося пасяджэнне калегіі ўпраўлення адукацыі Брэсцкага аблвыканкама, прысвечанае вынікам работы адукацыйнай галіны ў мінулым годзе і задачам па яе ўдасканаленні ў бягучым. У рабоце калегіі ўдзельнічалі першы намеснік міністра адукацыі Беларусі В.А.Богуш і намеснік старшыні Брэсцкага аблвыканкама А.І.Вялічка.

Амаль два гады ў брэсцкім ліцэі № 1 імя А.С.Пушкіна дзейнічае цэнтр прафарыентацыі “Выбіраем прафесію – выбіраем лёс”, створаны на базе аналагічнага кабінета. Цэнтр адыгрывае важную ролю ў арганізацыйна-метадычнай і інфармацыйнай рабоце з настаўнікамі, вучнямі і іх бацькамі па пытаннях прафарыентацыі.